Aðstaðan á Hrafnistu
Sundlaugin á Hrafnistu var vígð 5. mars 1997 og er því aðeins 13 ára gömul. Laugin er 17x8 metrar á stærð. Grynnst er laugin 1.10 m, miðjan 1.30 og dýpsti endinn er 1.60 m. Sundlaugin er 34° heit. Við sundlaugina er tveir heitir pottar sem hægt er að hvíla sig í bæði fyrir og eftir sundið. Annar er potturinn er 37.5° heitur og hinn er 38.5°.

Hvar er sundlaugin?
Sundlaugin stendur við Norðurbrún 1a í Reykjavík, þetta er tengibygging Hrafnistu við Norðurbrún. Ekið er upp Brúnaveginn, framhjá Hrafnistuheimilinu og síðan er beygt niður Norðubrúnina og ekið framhjá Norðurbrún 1. Síðan er tekið beygja til vinstri, inn á bílaplan og þar í endanum er sundlaugarbyggingin merkt sundlaug. Ef fólk er að koma í tíma fyrir kl. 16 þá er það beðið að beygja til vinstri þegar það er komið framhjá Hrafnistuskiltinu keyra þar inn í enda og koma inn dyr sem eru alveg innst gengið meðfram sjúkraþjálfunninni.